Sabagay, karapatan nya naman talagang kumandidato kung gusto nya eh. Pero kahit siguro tutukan ako ni FPJ ng kanyang mahiwagang kalibre .45, di ko pa rin sya iboboto.
Ok, aaminin ko. Lahat yata ng pelikula nya ay napanood ko na. Naalala ko pa nga nung bata pa ako, dahil hindi kuha sa TV ng lola ko yung channel 7, nakikipanood pa ako noon tuwing sabado sa kapit bahay namin. Kung tama ang aking pagkakatanda, tuwing sabado noon ay may palabas na "FPJ sa GMA". Kahit madalas naman ay replay na lang, pinapanood ko pa rin. Naalala ko tuloy yung unang sine na napanood ko kasama ang aking yumaong tatay - Ang Panday. Hindi ko iyon makalimutan kasi iyon lang yata ang una at huling pagkakataon na nakapanood ako ng sine kasama sya.
Pero ngayon, kahit na may bago pang palabas si FPJ, hindi ko na iyon panonoorin. Sa pelikula lang pala sya may sariling paninindigan. Sa totoong buhay pala ay uto-uto ka rin. Sige magpauto ka ng husto kay Danding. Iboboykot ko lahat ng pelikula mo.
Pero kung totoong maninindigan sya para sa interes ng mga aping sektor, maari ko pa rin siyang iboto. Pero sa ngayon, si Raul Roco pa rin ang manok ko.
Marami ang nagsasabi na mas malaki daw ang tsansa na manalo si FPJ. Maaari. Pero sana naman ay mali ang aking mga ikinakatakot.
Kung si GMA ay plenty ang sex, ano naman kaya ang plenty kay FPJ?
No comments:
Post a Comment