Bagong Trabaho?

Sa totoo lang, ilang buwan na rin akong halos walang ginagawa dito sa opisina. Yung business unit kasi na hinahawakan ko ay nasa process ng winding up. Wala namang ibinibigay sa akin na bagong assignment. Kaya paminsan-minsan ay tumutulong na lang ako sa marketing ng ibang negosyo ng Big Boss kong Kano, na matapos ang mahabang panahon ay bumalik din sa Pilipinas. Kararating lang nya noong Lunes at kanina ay sinabihan nya akong mag-uusap daw kami bukas ng umaga. Sabi nya: "Go to my office tomorrow at 9 a.m., we'll talk about your future here.". Sabay kindat at tawa sa akin. Tapos nakita nya yung picture namin ni Pia na ginawa kong wall paper. Ang kyut daw ni Pia! hehe!

Sisisentahin na kaya ako? hehe! Pero sabi sa akin ng assistant nya, mukhang ibabalik daw ako sa dati kong trabaho, na hahawak sa mga komplikadong kaso ng mga aplikante. Mukhang balik full time consultant na naman ako sa CIC . Maganda naman sana yung trabaho, kaya lang yun nga, medyo nagsasawa na ako at gusto ko namang maiba. Sa isang banda naman, nakakagaan din naman ng pakiramdam pag may nagpapasalamat sayong kliyente dahil na-approved yung application nila at makakapamuhay na sila sa Canada. Hanggang ngayon nga may mga kliyente kaming nasa Canada na pero patuloy pa ring nag-e-email sa akin.

Gusto ko sanang luminya na don sa kursong natapos ko, o kung di man ay don sa malapit-lapit man lang. Kaya nga nagbabalak akong kumuha ng CPA Board Exam sa darating na October. Haayyy... bahala na si batman bukas!