Thursday, April 01, 2004

Haaayyyy Buhay....

Ilang araw na ring laging kakaiba ang aking pakiramdam. Parang ang bigat lagi ng aking katawan at animo'y lagi kong hinahabol ang aking paghinga. Yung mga simpleng bagay na dapat kong gawin ay kinatatamaran kong gawin. Bihira na rin akong mangapit bahay lalo na sa paborito kong pansitan. Parang may mali eh. Minsan ko nang naramdaman ito kaya naman minsan ay naitanong ko ito. Pero iba naman ngayon. Parang tamad na tamad lang talaga akong magkikilos. Medyo naiiiba lang ang pakiramdam ko kapag nagbe-beautiful eyes si Sophia. Kahit paano ay nalilibang ako. Palagay ko sobrang kulit nya kapag lumaki-laki pa ng konti at nakakapaglakad na.

Mabuti na lang at medyo mahaba ang bakasyon ngayong mahal na araw. Kulang lang siguro ako sa bakasyon.

No comments:

Post a Comment