Wednesday, October 27, 2004

108 vintage bombs, nahukay sa Batangas

Kagigising ko lang kaninang umaga nang ikwento sa akin ni misis na ibinalita raw sa Magandang Umaga News Patrol yung mga vintage bombs na nahukay sa lugar namin, sa Cuenca Batangas. Ang daming bomba daw. Nag-isip ako kagad kung saan kaya yun? Nanghinayang ako kasi hindi ko napanood. Hindi ko tuloy nakita kung sino-sino yung mga nakiusyoso. Sana ipalabas ulit mamayang gabi. Ang babaw ba? hehe!

Eh kasi naman, bihirang-bihira lumabas sa balita ang bayan namin. Madalas ay tuwing mahal na araw lamang sya mapapanood sa TV dahil don sa grotto sa Mt. Makulot. May isa pang kakaibang lugar sa bayan namin, yung 1,500 steps na kung saan ay isang maliit na baranggay ang nasa dulo. Tuwing may bisita ako sa batangas na galing sa ibang lugar di lagi ko silang ipinapasyal doon. Maganda ang tanawin at pwedeng mamangka papuntang Taal Volcano. Teka lang lumalayo ako.

At dahil nga medyo nanghinayang ako dahil di ko napanood yung balita, naghanap ako ng mga balita tungkol dito. May nakita ako sa Inq7.net - 108 World War 2 Bombs Unearthed in Batangas!

Ang dami pala talaga! Buti na lang di sumabog.

1 comment:

  1. Batangas has so many wonderfull view. you should try rosario or
    mabini in batangas.

    ReplyDelete