Kakaibang Linggo Ito

Nagsimba kami kanina ng aking mag-ina. Nakakatuwa si Sophia, na ngayon ay mag-aapat na buwan pa lamang, dahil kahit iyakin sya ay tahimik naman sya sa loob ng simbahan.

Isang oras lamang matapos kaming dumating sa bahay ay dumating naman ang aking cupcake kasama ang kanyang mahal na mahal na dada. Hindi ko tuloy natapos panoorin ang pinapanood kong pelikula sa VCD (The Spy, pero ang orihinal na pamagat nito ay The Quiet American). Limang buwang buntis ngayon ang aking cupcake. Hindi ko na isasalarawan pa ang kanyang hitsura ngayon kasi baka magalit pa sya sa akin. hehehe!

At matapos makapananghalian ay pumunta naman kaming mag-asawa sa isang dambuhalang mall na ubod naman ng barat sa kanyang mga empleyado. Namili kami ng mga kailangan sa bahay pati na pagkain para sa isang linggo. Habang nasa jeep kami papunta sa mall ay walang anumang napisil ko ang kanyang bilbil. "Na-miss ko na yan ah!", marahang wika niya sa akin. Bigla akong natahimik dahil sa mga pumasok sa aking isip. Haaayyy....

At ngayon, narito naman ako sa harap ng computer. Naghahanda ako para sa isang proyekto na ipapagawa sa akin ng isang kaibigan. O sya, magbabasa muna ako ng balita...

Ooooppsss... bakit nga ba kakaibang linggo ito? Di ko na sasabihin baka maiyak lang ako.