Eddie Gil

Nagkaroon ako ng pagkakataong makausap ng perosnal si Eddie Gil kahapon sa Mediahub Cafe. Sayang nga lang at di ako nakapagpakuha ng litrato na kasama sya. photo ops baga. hehe!

Nakakaaliw pala talaga syang kausap. Kung pano sya sumagot sa mga interviews sa TV, ganung-ganun din sya sa aming pag-uusap. Malapit na raw ipalabas yung pelikula nya, sa October daw. Sabi ko sa kanya di ko na masyado naririnig sa radyo yung "hit" nyang kanta. Ganun din daw siya. Kinumusta ko rin kung ok bang manager si Oggie. Ok naman daw. Sabay tanong nya sa akin kung dati rin daw ba akong taga showbiz. hehe! Sabi ko naman, hindi po sir, mahilig lang sa showbiz. hehe. Tinanong ko sya kung bati na sila ni Bro. Eddie Villanueva. Malabo raw mangyari yun dahil sa tindi ng ginawa sa kanya. Bago kami maghiwalay ay binigyan nya ako ng membership cards nila na ang katumbas daw ay P 300,000.00 insurance benefits. Ipamigay ko raw sa mga kakilala ko. Sino may gusto?

Baka magkita ulit kami next week kapag natuloy yung birthday party ni Ms. Elizabeth Samson, yung VP ng Isang Bansa Isang Diwa Foundation sa THE VENUE. May ipapatanong ba kayo?

UPDATE (9/6/04): Hindi matutuloy sa THE VENUE yung birtday party, 2,000 daw kasi yung expected guests nila, di kasya sa THE Venue na 300 lang ang capacity. Mabuti na lang! Sayang!