Usapang Lasing?

Nakakapagod ang biyahe kanina mula Batangas, pero mas nakakapagod ang mga gumugulo sa aking isip habang bumibyahe hangang sa makarating na ako ng Maynila. Akala ko kasi ay di ko na ako makakaramdam ng ganung pangamba. Masyado ako nabulag sa ligayang dulot ng matiwasay na paglalakbay sa mag nakalipas na mga araw. Nakalimutan ko tuloy kung saan ako dapat lumugar, mangyari'y akala ko'y wala ng katapusan ang matiwasay na paglalakbay...

Kagabi nagkakwentuhan kami ng aking mga pinsan at tiyuhin. At syempre pa hindi nawala ang usapan tungkol sa pulitika at bibliya! Bagama't magkakasalungat ang maing mga opinyon ay naging maayos naman ang usapan kahit na habang nagkukwentuhan ay may umiikot na kwatro kantos na gin! Nariyan na ang pagdebatehan ang dapat gawin kay Davide; suriin ang magiging kaganapan sa 2004 Election at marami pang iba. Nakakatuwa kasi mayroon kaming iisang opinyon pagating kay GMA - Ang kapal ng mukha at kakandidato pa!