GMA, yari ka sa misis ko!

Simula sa Enero ng darating na taon, magtataas ng P 0.12/kwh ang singil sa kuryente ng Meralco. Panibagong dagok na naman ito sa mga mamamayang Pilipino! Sa kabilang banda, tinatayang madadagdagan ng P 1.9 bilyon ang kita ng higanteng kumpanya. Mukhang nagakakalokohan dito ah?

Mukhang senyales na ito ng pagsuporta ng mga Lopez sa kandidatura ni GMA? Ang mga halimaw nga naman! Walang pakialam sa kalagayan ng mahihirap na mamamayan. Tanging ang mahalaga sa kanila ay ang kani-kanilang pansariling interes.

Haaayyy.... Tiyak lalo akong sisitahin ni misis sa paggamit ng computer sa bahay. Nagagalit kasi lagi yun tuwing tumataas ang konsumo namin sa kuryente eh. Ang pinakamalalang mangyayari nito ay babawasan nya ang budget ko para sa Sanmig Light. Waaaaahhhhh!!! Di bale, sasabihin ko na lang sa kanya na si GMA ang may kasalanan ng lahat.

Hahaha! GMA, yari ka sa misis ko! (humanda ka na! Ibang klase manermon yun!)