Punta kaya akong Hacienda Luisita bukas?

Katatawag lang ng kaibigan ko. Papunta raw sila sa Hacienda Luisita bukas, tinatanong kung gusto ko raw sumama, balikan din daw. Mga taga Promotion of Church People's Response (PCPR) ang mga kasamang pupunta, at pinaiimbitahan nga daw ako nung kakilala kong taga PCPR-NCR. Tinanong ko kung anong oras ang balik ng Manila, sabi sa akin ay hindi raw magpapaabot ng dilim doon. Mahirap na, mabuti na daw yung nag-iingat. Bigla tuloy akong kinabahan. Isip-isip ko, may mga isnayper pa rin kaya don? hehe! Tapos ikinuwento nya sa akin yung tungkol sa isa sa mga namatay - yung may tama ng baril na isinampay lang sa bakod hanggang sa maubusan ng dugo at mamatay. Parang halimaw yung gumawa nun ah (kung totoo man yun)! Syempre, agit na agit ako. Kaya sabi ko, magreserba ng upuan para sa akin.

Kaya lang, pagkatapos namin mag-usap ay naalala kong Christmas Party nga pala namin mamayang gabi. Malamang ay umaga na ang uwi ko. 6 a.m ang usapan namin bukas. Hmmm...