VP na si Noli Boy

Isa sa mga Ninong si Noli De Castro sa Kasalang Bayan ng Magandang Umaga Bayan kanina. natawa ako sa komento ni Julius Babao. Ito raw ang kauna-unahang public function na dinaluhan ni Noli de Castro bilang Vice President. Ang gandang simula nito, naisip ko. Inumpisahan sa KASAL. Malamang ang kasunod nito ay BINYAG o di kaya ay LIBING. Ano ba naman ang dapat asahan kay Noli De Castro, mas marami syang di nagawa kesa nagawa sa loob ng tatlong taon nya sa senado!

Noong isang gabi naman sa TV Patrol, tinanong sya kung saang departamento nya raw gusto magsilbi. Sagot nya more on public service daw. Nag-isip tuloy ako, anong elected position ba sa gobyerno ang di nangangahulugan ng public service? Saang ahensya ba o departamento ng gobyerno ang di nangangahulugan ng public service? Aber? Aling cabinet position ang di nangangahulugan ng public service? Makitid lang ba ako, o talgang malabo lang si Noli Boy? O baka naman hindi talaga serbisyo publiko ang karaniwang nasa isip ng mga kumakandidato? Ah Ewan! @!#$%^&*(

Dangan kasi at marami ang nadismaya kay paru-parong Loren. Palagay ko lang, kung kay Sen. Roco sya nag VP, siya ang "mananalo". Sayang talaga. Para kasi syang si Idol (dati)kong Tito. May pagka oportunista din. Hindi ko tuloy siya ibinoto, kahit na ini endorso pa siya ng ilang militanteng party list.