Magbungaga daw ba sa loob ng jeep?

Siksikan na sa jeep na nasakyan ko kaninang umaga papuntang opis. Ang daming mga batang nakasakay na kinandong na lang ng kani-kanilang mga kasama nang nakitang may sasakay na pasahero. Yung katabi kong ale ay may kandong na bata na pinalipat sa asawa nya na nasa bandang harapan nya.

Ikaw nga ang kumandong dine at malakas-lakas ang braso mo! Pasigaw na sabi nang ale na para bang galit na galit sa mundo.

Sa tono pa lang ng pananalita nya, mukhang kababayan ko yung ale. Labing apat yata silang magkakasama, kasama na yung mga kandong nilang bata.

Ikaw, kung magsalita ka, lagi nang... Sagot naman nung mama na ewan ko kung bakit hindi itinuloy. Siguro ay nahihiya na rin syang humaba pa ang usapan na ang daming nakakarinig. Kitang-kita ko sa mukha nya ang pagkainis pero wala naman syang magawa sa sitwasyon.

Lagi ka nang... Pabulong na sabi ng ale. Napalingon ako sa ale at may napansin akong hindi maganda. Nakasando sya (ewan ko kung ano tawag don, basta parang sando) at kitang-kita ko yung mga buhok nya sa kili-kili na medyo tumutubo na mula sa pagkakaahit. Hinid na ako muling lumingon pa sa kanya. Hinid naman mabaho pero may kakaiba syang amoy kaya medyo dumistansya ako at baka dumikit yung amoy sa barong ko. Buti na nga lang at di nagalit yung katabi ko sa kaliwa kahit na medyo nasisiksik ko sya.

Maya-maya pa ay muling nagsalita ang ale. Nakita nya kasi yung lighter na hawak ng kanyang mister na karga pa rin ang anak.

Ba'y baga ayaw nitong ilagay ang lighter sa bulas at hindi yung kimkim na gay-on? Naiinis na tanong ng ale sa kanyang mister. Sigurado ako dinig yun lahat ng mga nakasakay sa jeep kasi halos sabay-sabay silang lumingon sa lugar na pinanggalingan ng boses eh.

May problema ka? Ganti naman ni mister. Oo nga naman, ba't ba kailangan nya pa yung pakialaman? hehe!

Kakarume... Bubulong-bulong na sabi nung ale na halos ako lang yata ang nakakarinig. Bumulong din ako (sa isip nga lang), lalo ka na naman!

Hindi ko alam kung ba't ganun kainis yung ale sa kanyang mister. Maaaring nagtatalo na sila bago pa man ako sumakay. Ganunpaman, naaawa ako don sa mama. Hindi dahil nakikita ko yung sarili ko sa kanya, ha? hehe!

Nakakainis kasi yung ganun eh. Sa publikong lugar nga ay nakukuha nilang magbungangaan ng ganon, ano pa kaya ang kaya nilang gawin pag nasa loob ng pamamahay nila?! Tingin ko kasi don sa babae ay natural na ang pagkabungangera. Hindi naman sa binibigyang katwiran ko yung pananakit sa asawa, pero masisisi ba ang lalake kung sobrang bungangera naman talaga si babae at di nakapagtimpi si lalake? Yun nga lang, kung alam ni lalake na maigsi lang ang pasensya nya dapat sya na ang umiwas. Kasi kung maya't-maya na lang ay di nakakapagtimpi si lalake, ibang usapin na yun. Iba rin syempre yung sadista na talaga o kaya naman ay sobrang gaan ng kamay si lalake. Kagaguhan naman yun.

Sa nasaksihan ko kanina sa jeep, masasabi kong maswerte pa rin ako kasi hindi naman ganun kalubha yung asawa ko kapit-bahay namin. hehe!