Monday, October 18, 2004

Turuan ko kaya si Pia Babe mag-blog?

Parang kelan lang, iniip na inip na ako kasi nga hindi pa rin nakakalakad nang mag-isa si Sophia, at ni hindi pa man lang tinutubuan ng ngipin. Ngayon naman ay halos mainis na ako sa kakulitan niya. Malingat lang ako ng konti, nandon na kagad sa hagdan, paakyat. hehe! may dalawa na rin siyang ngipin. :) Yun nga lang, medyo payat pa rin kasi ang tamad kumain. Masyadong pihikan pero wala pa namang tinatanggihang pagkain na ako ang nagluto. Naks!

Minsan makikita mo na lang na pinaglalaruan ang telepono sa bahay na para bang may kausap talaga, may patangu-tangu pa! hehe! Madali kasi siyang turuan eh. Minsan nga balak ko na ring ituro sa kanya kung alin ang blog at ang hindi blog. Para kahit paano kapag may pilit na mambaluktot ng kahulugan ng blog, sagutin nya na lang ito ng blog mo muka mo! hehe! Kaya lang hihintayin ko na muna syang maging matured (hindi tumanda) para siguradong maintindihan nya ang mga ito. Ituturo ko rin sa kanya na walang masama sa pagtanggap ng pagkakamali (dito kailangan ang maturity). Ang nakakahiya ay yung halos lahat na nang nasa paligid mo ay nagsasabing mali ka, eh pilit ka pa ring magpapalusot. Masama 'yon. At kapag gumagawa ka nang masama, sasabihin ko sa kanya, lagot ka dahil ayan na ang pusa kukunin ka! At syempre, tuturuan ko rin siyang maging astig! hehe!

No comments:

Post a Comment