What's in a name?

Hindi ko na matandaan kung kaninong boobs yung ikinukwento ng kaibigan ko kagabi habang nagmamaneho sya. Di nya tuloy napansin na naka red light at kumanan kami ng EDSA mula sa Diosdado Macapagal Avenue. Pinara tuloy kami ng MMDA enforcers na nagtatago sa dilim, bawal nga daw yung ginawa namin.

Syempre pa, hanap kami ng palusot. Sabi namin, bakit yung kasunod naming bus ay hindi nila hinuli. Katakut-takot na paliwanagan ang sumunod. Hanggang sa nakita ng kaibigan ko yung isang grupo ng kabataang nagbibisekleta.

"O bakit yang mga nagbibisekleta di nyo hinuhuli? Pwede ba yan dito?"

"Eh ser, wala naman po kasi silang lisensya kaya hindi namin sila pwede hulihin"

"Ganun? Parang mali yata yun ah?! Eh yung bus kanina bakit di nyo rin hinuli? This is so unfair!" Muntik na ako matawa talaga sa part na ito. Obyus kasing drama lang eh.

"Ser, patingin na lang po ng lisensya yo"

"Ok, I do have a license. Pero iko-contest ko ito. This is so unfair! O ayan!" Sabay banggit ng pangalan nya.

"Ay, ok na po ito ser" Nangingiting sabi ng MMDA enforcer matapos makita ang apelyedo ng kaibigan ko.

Iba pa rin talaga ang kilala ang apelyedo. haha!