Gusto ko sana kaya lang di pwede

Gusto ko sanang magpalipas ng gabi sa ibabaw ng buwan. Mula siguro doon ay mas magandang pagmasdan ang mga bituin.

Gusto ko sanang humiga sa ibabaw ng ulap. Iniisip ko kasi na ang mahiga doon ay parang nakahiga sa nakalutang na bulak.

Gusto ko sanang sumisid sa ilalim ng dagat hanggang matagpuan ko ang nawawalang Atlantis. Mas payapa sigurong mamuhay doon.

Gusto ko sanang bumalik sa nakaraang panahon. Gagawin ko yung dapat at iiwasan ang hindi dapat.

Gusto ko sanang dumating ang panahon na di ko na gustuhin ang bagay na hindi naman pwedeng mangyari. Bukas kaya pwede na yun?

Pero gusto ko sana ngayon na.